Chile President-in cabinet minister-te bang turin a ngen
Chile President Michelle Bachelet-i chuan a cabinet minister-te chu an vaiin banna thehlut turin a ngen. President hian cabinet member-te an ban aṭanga darkar 72 chhungin a thar veka thlak a tum tih a sawi.
Canal 13 in a kawmnaah, President chuan an ram siamṭhatna turin inthlak danglam a ngai a ni, a ti. Tun hnaiah President hi politics scandal velah a hming a hliau avangin mipui lakah a larna a tlahniam chak hle.
February thla khan President fapa, Sabaston Davalos chu a nupuiin bank loan tam tham tak a lak theihna atana a thuneihna hmanga puh a nih avangin government charity hotu a nihna aṭangin a bang tawh bawk. Mahse bank lam chuan Davalos hian tih dik loh a nei lo niin an sawi thung.