Russia-in Victory Day parade buatsaih

Moscow-a, Red Square-ah Russia chuan kar kalta Inrinni khan Indopui-II naa an chak lawmna, Victory Day parade a buatsaih.

Ukraine tualchhung buainaa Russia inrawlha puh a nih avangin Inrinnia Victory Day Parade hi khawthlang ram hruaitute chuan an boycott a, mahse ramdang hruaitu 30 chuang zetin an telpui tho a ni. Heng zingah hian China, Cuba, Venezuela leh Zimbabwe hruaitute an tel.

Parade-ah hian sipai 16,000 vel an tel a, Russia sipai ralthuam neih thar ber berte phochhuah a ni. Russia hian ṭum danga a la phochhuah ngai loh, RS-24 Yars missile pawh a pho lang a, hei bakah hian nuclear ralthuam phur thei missile dangte pawh pho lan a ni bawk.

Indopui II-naah khan Soviet Union chuan sipai leh civil mi maktaduai 27 vel a chan a, chan nasa ber a ni. An chak lawmna atan hian Moscow bakah khawpui dang 25-ah parade neih a ni bawk.