Israel-in UNRWA nena an inremna a ti tawp ta

Israel sorkar chuan Gaza Strip-a chhawmdawl hna thawktu zinga mi, UN agency for Palestinian refugee, UNRWA tia sawi nena an inremna neihte chu Thawhṭanni, November 4, 2024 khan a ti tawp ta.

October thla khan Israel sorkar chuan an ram huam chhunga UNRWA hna thawh khapna dan a lo siam tawh a ni. Israel hian UN agency hi Hamas firfiakte thlawp leh thawhpuiah a puh a, mahse UNRWA lam chuan a puhna hi a pha thung. Hetih lai hian tuna Gaza Strip-a indona thleng mek a chhuahna chhan ber, October 7, 2023 ah Hamas-ten Israel an beih ṭum khan UNRWA mi leh sa inhnamhnawih eng emaw zat an awm tih hriatchhuah ni tawh in, UN pawhin staff ṭhenkhat chu a lo ban tawh bawk.

Lebanon beihnaah Hezbollah top commander a thi

Israel sipaiten Thawhṭannia Lebanon chhim lama helpawl, Hezbollah hmunhma an beihnaah, Hezbollah top commander Abu Ali Rida a thi tih an sawi.

Abu Ali Rida hi Lebanon aṭanga rocket leh anti-tank missile hmanga Israel Defence Force (IDF) sipaite beih an nih ṭhinnaah a ruahmantu leh hma la tu ber nia sawi a ni.

Israel-Hamas indona a thlen hnuah, Hezbollah hian Hamas an thlawpna lantirin Israel hmar lam ramri aṭang an lo bei zui ve a ni. Thla 13 chhung Hezbollah leh Israel sipaite hi inbei tawhin, mi 3,000 chuang an thi tawh niin Lebanon Public Health Ministry chuan a tarlang. Hetih lai hian Israel chuan thi zinga a tam ber chu Hezbollah fighter-te an nih thu a sawi ve bawk.