Japan-a Mount Fuji-ah vur a la tla lo

Japan rama tlang sang ber, Mount Fuji -ah nimin November 5, 2024 thleng khan vur a la tla lo. Kum 130 chhunga vur a tlak har ve ṭum a ni.

Mount Fuji tlang hi a tlangpuiin October 2-ah vur a tla ṭan ṭhin a, nikum khan tlai deuhin October 5-ah vur hi hmuh ṭan a ni. Mahse kuminah erawh nimin thlengin tlang chhipah vur hmuh tur a la awm lo.

Japan Meteorological Agency officer Shinichi Yanagi chuan kumin nipui aṭang khan Japan ram hi a lum hle a, ruah a sur leh bawk avangin vur hi a la tlalo nia a lan thu a sawi. Vawiin hian Mount Fuji bulah ruah a sur dawn nia a lan thu leh, ruahsur zawhah November 7 aṭangin vur hi tlak ṭan an rin thu Japan Weather Association chuan an tarlang.

Mount Fuji hi Tokyoa chhim thlang lama awm niin, meter 3,776-a sang a ni. Nikum July -September inkar khan mi 220,000 chuangin thlang chhip hi an lawn thleng a ni.