SKorea Presi-dent-in security meeting a ko

South Korea President Park Geun-hye chuan nimin khan security official-te meeting a neihpui. Hei hi an ṭhenawm, North Korea-in tun hnaiah tuihnuai lawng aṭanga ballistic missile hlawhtling taka a kah chhuah thu a sawi vang a ni.

President thupuangtu Min Kyung-wook chuan President Park hian NKorea-in missile a enchhin chungchang hi foreign affairs leh security official-te chu sawipuiin, hei hi South Korea navy lawngte tana a hlauhawm theih dante an sawiho a ni.

Meeting-ah hian foreign affairs, defence leh unification minister-te pawh an tel a, intelligence agency hotu bakah presidential secretary for security and foreign affairs-te pawh an tel bawk.

NKorea hian kar kalta Inrinni khan tuihnuai lawng aṭangin ballistic missile a enchhin thu a sawi a, hemi rual hian an ram tuipui china SKorea navy patrol lawng lutte chu hriattirna pe lawk loin a kah tur thu a sawi bawk.