Pakistan bus beihnaah mi 43 an thi

Paksitan, Karachi khaw­puiah nimin khan Ismaili Shia muslim-te phurtu bus chu silai kengte'n an bei a, mi 43 an kaphlum a, midang eng emaw zatin hliam an tuar. Thi zingah hian hmeichhe pawh an tel.

Bus beitute hi mi pariat an ni a, Karachi bula Safoora Chowk bialah zing khawvar hlim vel khan an bei a ni. Provincial police hotu, Ghulam Haider Jamali chuan bus-ah hian mi 60 an chuang niin a sawi.

Jamali chuan bus-a chuangte hi sakhaw hun pawimawh hmang tura kal an ni tih a sawi a, eng pawl mahin pawikhawihtu an nih thu hi an la sawi lo.