US Senate Judiciary Committee-in Amy Coney Barrett nomi- nation an pawm

Republican tamna US Senate Judiciary Committee chuan Ningani khan president Donald Trump-a'n an ram Supreme Court judge atana Amy Coney Barrett a nominate-na chu a pawm.

US Senate Judiciary Committee-a Republican member zawng zawng 12-te chuan Barrett hi an vote vek a, Judiciary Committee-a Democrats member 10-te erawh chuan vote thlak hi an boycott thung.  Democrats lam chuan inthlan neih phawt a, inthlan zawhah hnehna changtu President tharin justice thar tur chu ruat zawk an phut a ni.

September 18 khan hun rei tak Supreme Court judge lo ni tawh leh liberal lamṭang nghet tak, justice Ruth Bader Ginsburg chu a thi a, a hmun ruak hnawhkhat tur hian Barrett hi President Trump chuan a nominate ta a ni. 

Kum 48 mi, Judge Barrett hi constitutional scholar leh conservative jurist a ni.