Russia-in 'ministry of sex' siam a tum

Russia sorkar chuan an rama nau piang zat tlahniam zel tih ziaawm a, nau piang an pun theihna tura hma la tura 'ministry of sex' din rawtna chu a ngaihtuah mek nia sawi a ni.

Russia Parliament-a Committee on Family Protection, Paternity, Maternity, and Childhood chairwoman, Nina Ostanina chuan sex ministry din tura petition thehluh chu a ennawn mek niin an sawi. Sorkara petition an thehluhah hian nau piang an pun theihna tura rawtna hrang hrang leh dangdai tak takte pawh a awm a, heng zingah hian nupaten rilru lapengtu dang an neih lohna tura zan dar 10 leh zing dar 2 inkarah internet leh light tih tawp te; in lama awm nu, stay-at-home mother te hnenah hlawh pek te, in date tharte hnenah USD 40 pek, innei tharte hotel-a inneih zan an hmanna tur senso sorkarin tumsak tih te a tel.

Region ṭhenkhatah nau piang an pun theihna turin a hranin ruahmanna pawh an lo siam tawh a, Khabarovsk bialah chuan zirlai hmeichhia, kum 18-23 inkar chuan fa an neihin ṭanpuina, USD 900 an dawng thei a, Chelyabinks-ah chuan fa nei chuan lawm manah Euro 8,500 an dawng bawk.