Thamna thubuaiah S Korea PM hlui koh a ni

South Korea Prime Minister hlui, Lee Wan-koo chu nimin khan kum hnih liamtaa thamna sum laa puh a nih chungchangah Seoul High Prosecutor Office chuan a ko.

Lee hi April 27 khan PM a nihna atangin a bang a ni.

Kum 2013, April thla khan PM hlui Lee hian sumdawng mi pakhat hnen aṭangin by-election neihna tura a campaign-na atan won maktaduai 30 (US dollar 28,000) a la nia puh a ni. Thamna sum petu nia sawi, Sun Wan-jong hi a intihlum a, a lehkha hnutchhiahah politician te hnena sum a pek dante a ziak a, an zingah hian Lee bakah presidential chief of staff nilai Lee Beyong-ke hmingte pawh a ziaklang.

Mahse Lee chuan inhnamhnawiha a neih loh thu leh, thamna laa puh anih chungchangah finfiahna a awm a nih chuan mahni intihhlum a huam thu pawh a sawi a ni. Mahse an chhui chiannaah Lee hian kum kalta chhung khan Sung hi phone-in ṭum 200 zet leh, meeting pawh vawi eng emaw zat a neihpui tih hriatchhuah anih hnuah Lee hi PM a nihna aṭangin a bang a ni.