Vatican-in Palestinian state a pawm

Vatican chuan Palestinian-in State of Palestine tih hman a remtihpuia, hei hian Israel a tilungawi lo hle.

Vatician chuan thuchhuah siamin, Palestinian-te hian an official document-a 'State of Palestine' tih a hmanna turin inremna an siam niin a tarlang. Thuchhuah chuan he inremna hi Palestine-a Cathlolic Kohhran thiltih leh a kaihhnawh thil atana siam anih thu Vatican thuchhuah chuan a tarlang bawk.

Israel chuan Vatican leh Palestinian-te inremna siam hi a zirchiang phawt ang a, a ṭul dan angin hma a la zui dawn tih a sawi.

Kum 16 chhung zet chu Israel leh Vatican hian inbiakna nei mah se, Israel-a Catholic Kohhran dinhmun chungcahngah inremna an la siam thei lo.

Vatican thupuangtu, Father Federico Lombardi chuan, "United Nations hian State of Palestine chu a pawm tawh avangin keini pawhin kan pawm a, kan official yearbook ah pawh State of Palestine tia ziah a ni tawh," a ti.

Mahse European Jewish Congress President Moshe Kantor chuan Vatican inremna siam chu pawi a tih thu sawiin, "Hei hian Israel leh Palestinian inkara inremna a awm theihna tura inbiakna boruak pawh a tichhe thei a ni," a ti.