Japan Parliament-in PM atan Ishiba thlang

Japan Parliament chuan nimin khan an ram prime minister atan Shigeru Ishiba an thlang nawn leh.

Japan ram inthlanpui neih zawh takah Ishiba kaihhruai, rorellai Liberal Democratic Party leh a thawhpui, Komeito chuan Parliament Lower House, seat 465 awmnaah majority a nei pha tawh lo. Mahse party tenau dang thawhpuina nen minority sorkar a siam leh thei dawn a ni. A cabinet member turte pawh a tihfel thuai beisei a ni bawk.

Ishiba hian party siamthar a, an ram economy siamṭhat leh defence lama sum tam zawk dah a lo tiam tawh a ni. Liberal policy lam thlawptu niin, marriage equality a thlawp thu a sawi tawh a, nupa te pawh nupuiin a pasal surname hmang kher lo a, surname hran an neih phalsak a duh thu pawh a sawi.