Russia-in Putin leh Trump inbia nia sawi a pha

Russia chuan US media-in Russia president Vladimir Putin leh US president elect Donald Trump-te telephone-a inbiain, Ukraine buaina chungchang an sawi dun nia an tarlan chu thu dik lo a nih thu a sawi.

Russia Parliament, Kremlin thupuangtu, Dmitry Peskov chuan Pathiannia The Washington Post-in kar liam ta Ningani khan Putin leh Trump-te an inbia nia sawi chu thu dik lo a ni tiin, hruaitu pahnihte hi an inbe lo, a ti. The Washington Post report chu 'fake news' tiin a sawi a ni.

Hetih lai hian US President atana thlan tlin a nih hnua victory speech a neihah, Donald Trump chuan indona a duh lo a, indona thleng mekte ti tawp turin a pui dawn tih a sawi. Thlan tlin a nih hnuah hian Ukraine president, Volodymyr Zelenskyy chu phone-in a bia a, an inbiak thu hi President Zelenskyy pawhin a X-ah a tarlang.