US sipaite'n Syria-ah IS hruaitu an that: Pentagon

US Secretary of Defence Ash Car­ter chuan US special force-te'n Syria khawchhak lam an beihnaah Islamic State (IS) firfiak pawla senior leader an that tih a sawi.

Carter chuan thuchhuah siamin, US President Barack Obama thupek angin US special force-te hian IS hruaitu Abu Sayyaf leh a nupui Umm Sayyaf man tur hian Syria khawchhak lamah beihpui an thlak a ni, a ti.

Sipaite nen an inbeihaah Abu Sayyaf hi kahhlum a ni a, a nupui Umm Sayyaf erawh chu an man a ni. Abu Sayyaf hi IS hruaitu zingah oil and gas operation lam enkawltu nia ngaih a ni a, hei hi firfiak pawlte'n sum an lakluhna pui ber a ni.