Myanmar-in a mawhphurhnaah a ngai lo

Myanmar sorkar chuan an ram aṭanga ram danga pem tuma tlanchhuakte chuanna lawngin Indonesia tuipuia harsatna a tawh chu an ram mawhphurhnaah a ngaih loh thu a sawi a, hemi chungchang avanga emergency summit neih turah pawh a tel lo mai thei niin a sawi.

Kar kalta Zirtawpni khan Bangladesh leh Myanmar aṭanga kal, Asia khawchhak lama pem tumte chuanna lawng chu a thawktute'n an tlanbosan avangin tuipuiah a tangkhang a, heng lawng aṭang hian pem tum mi 800 dawn chu ei tur leh tui in tur mumal an nei lo a, ei tur inchuh vangin an zingah mi ṭhenkhatah chu tuipuiahte an inpaihthla niin an sawi a, a hnuah an chhanchhuak.

Myanmar aṭanga pem chhuah tuma kalte hi Rohingya Muslim te an ni a, heng mite hi Bangladesh aṭanga Myanmar-a lut an ni a, mahse Myanmar sorkar hian a ram mi leh sa angin a pawm lo a ni. Bangladesh aṭanga kal chhuak tam zawk hi chu sum leh pai lama dinhmun ṭha zawk beisei te an ni. May 29 hian Thailand-ah ram 15 aiawhte'n heng pemte dinhmun hi an ngaihtuah dawn a, hetah hian Myanmar chuan a tel tur a la tichiang lo a ni.