Macedonia PM ban ph<tin nawrh huaihawt

Macedonia rama eptu pawl chuan an Prime Minister Nikola Gruev­ski ban ph<tin an ram khawpui, Skopje-ah Pathianni khan kawng an zawh a, PM hi a ban hma chuan nawrh huaihawt chhun­zawm zel an tum thu an sawi.

Macedonia ramah hian kar hmasaa Albania hel leh police-te inbeih avanga mi 18 thihna a thlen hnuah khan politics lamah inbeihna a la thleng chhun­zawm reng a, PM duh lohna lantira eptute'n kawng an zawhnaah hian mi 20,000 vel an tel. Nimin khan PM Gruevski-a thlawptu lamin kawng an zawh ve leh bawk.

Eptu pawl, SDSM party hruaitu Zoran Saev chuan PM Gruevski a ban hma chu nawrh an huai­hawt dawn tih sawiin, an ram chuan inde­pen­dence a hmuh hnuah poli­tics lama buaina nasa ber a tawk mek a ni, a ti. Ram zalen leh nuam an din leh theihna atan PM chu a ban a ngai a ni tiin, an hma­lakna chu thlawp turin mipuite a ngen.