Nepal PM-in an ram din tharna atan dollar tld 2 a dil

Nepal Prime Minister Sushil Koirala chuan lirnghing na takin ṭum hnih an ram a sâwi avanga chhiatna rapthlak tak a thlen hnuah, an ram indin thar lehna atan ṭanpuina, dollar tluklehdingawn hnih pe turin ram hrang hrang te a ngen.

Lirnghing vang hian mi 8,000 chuang an thih bakah chenna in leh sorkar hmun pawimawh tam tak a chhia a, mi tam tak chu tun thlengin chenna nei loin khawlaia puan inah an la khawsa a ni.

Chhiatna thleng chungchangah Nepal sorkar chu hma la chak tawk loa puhin sawisel a tawk fo a ni. Pathianni khan sorkar chuan lirnghingin thil a tihchhiatte din tharna atan hian national rehabilitation and reconstruction fund a din, donor-te chu ṭanpui turin a ngen a ni.

PM Koirala chuan sorkarin fund atan dollar maktaduai 200 a dah dawn a, a bak chu a ṭul anga thawhbelh turin donor ramte leh private sector hrang hrangte a ngen.