China leh UAE-in oilfield-a thawhdunna tur an ziak

China leh United Arab Emirates (UAE) chuan UAE chhimlam, Mender oilfied-a development project, dollar maktaduai 330 hu-a thawhdunna tur inremna Pathianni khan an ziak.

Inremna hi Abu Dabhi-ah China Petroleum Engineering and Construction Corporation (CPECC) leh Abu Dhabi Company for Onshore Oil Operations (ADCO) aiawhte'n an ziak a, he project hmang hian ADBO-in crude oil a siamchhuah, kum khatah barrel maktaduai 1.4 chu kum 2017-ah barrel maktaduai 1.8 ah tihpun tum a ni.

CPECC general manager Hou Haojie chuan company pahnihte hian Mender oilfield bakah an thawhdunna huang hi zauh zel an tum thu a sawi.

Mender oilfied hi Abu Dhabi chhim lam, kilometre 300 vela hlaah a awm a, nitin crude oil hi barrel 20,000 vel a laichhuak a ni.

Inremna an siam angin China company hian oil station, pipeline, power transmission line leh sewage system-te a siam ang. CPECC hi China National Petroleum Corporation (CNPC) hnuaia mi a ni a, China rama oil leh gas producer lian ber niin, tunhma lam pawhin UAE hi a lo thawhpui tawh ṭhin a ni.