Brazil-ah subway thar hawng

Olympic Games neihna hmun tur, Brazil-a Rio De Janeiro-ah subway thar hawn a ni.

Kar kalta Inrinni khan President lailawk Michel Temer chuan metro Line 4 hi a hawng a, he line hian Olympic events tam tak neihna tur hmun, Barra da Tijuca a pawh dawn a ni. Nitin khualzin 300,000 velin he metro hi an hman rin a ni.

Olympic organizer-te chuan km 16-a thui, metro thar hi Olympic Games ṭan hmaa peihfel a nih loh an hlauthawng a, mahse President Temer chuan theihtawp chhuahin a hun taka hawn a nih theih nan hian beih a nih thu a sawi.

Official-te chuan Olympics leh Paralympics neih chhung chuan he line hi Olympics-a tel tur infiammi, organizer leh ticket holder bikte tan chauha hman tura dah a ni rih dawn tih an sawi.

Metro Line 4 siam nan hian dollar tluklehdingawn 3 sen a ni a, a siam lai hian harsatna hrang hrang avangin tihkhawtlai a ni fo a, hei vang hian a tira sum ruahman aiin a senso pawh hi a letin a tam phah ta ni.