Vietnam-in ASEAN foreign ministers' meeting kaihruai dawn

Association of Southeast Asian Nations (ASEAN) Foreign Ministers' Meeting vawi 53-na chu video confe­rence kaltlangin vawiin aṭangin neih a ni dawn a, he meeting hi Vietnam ramin a kaihruai ang.

Meeting-ah hian ASEAN ramte inkungkaihna te sawi ho a ni dawn a, Covid-19 dona kawnga hmalakna te pawh sawi a nih dawn bakah, member ram ni lote nena inkungkaihna ṭha siam kawnga hmalak zel dan tur te pawh sawiho tum a ni.

Vietnam foreign affairs  minister Pham Binh Minh chuan ASEAN Foreign Ministers' Meeting a kaihruai dawn a, meeting hi vawin aṭanga ni 12 thleng neih tum a ni. Opening ceremony-ah hian Vietnam prime minister Nguyen Xuan Phuc chu a tel dawn bawk a ni. 

 ASEAN hi kum 1967, August 8 khan Bangkok-ah din a ni a, member ram te hi 10 niin chungte chu : Brunei, Cambodia, Indonesia, Laos, Malaysia, Myanmar, Philippines, Singapore, Thai­land leh Vietnam-te an ni.