Nepal PM thar tur Prachanda

Nepal Maoist party hruaitu, Pushpa Kama Dahal, 'Prachanda' tia hriat lar chu Prime Minister thar thlanna tura chuhtu awmchhun a nih tak avangin Nepal PM thar a ni dawn ta.

Kar kalta khan KP Sharma Oli chu Parliament-a fiah a nih hma lawkin PM a nihna aṭangin a bang a, amah thlaktu tur hi thlan a ni dawn a ni. Hun tiam chhunga nomination thehlut chu Prachanda chauh a nih thu deputy Parliament spokesman Sudarshan Kuinkel chuan a sawi.

Prachanda hi a hma pawhin PM a lo ni tawh a, kum 2008 inthlanpuia Maoist-te an chak ṭum khan PM atan dah a ni a, mahse thla kua chauh PM hna hi a chelh hman tihin a bang a ni. Kum 2013 inthlanah khan an party hi an che ṭha lo a, Parliament-ah member ngah pathumna a ni pha chauh a ni.

Mahse Parliament-a party lian zawk pahnihte hian party malin sorkar an siam thei chuang lo a , party mala member ngah ber Nepali Congress chuan Prachanda hi a thlawp dawn a ni.