Nicaragua president-i'n vice president candidate atan a nupui thlang

Nicaragua President Daniel Ortega chuan kumin November thlaa President thlanna neih turah chuh leh a tum a, Thawhlehni khan nomination thehlutin a vice president candidate atan a nupui Rosia Murillo a thlang.

Ortega hi thlan tlin a nih leh chuan President term thum a chelhna tur a ni ang.

First Lady Rosario Murillo hi sorkarah chanvo pawimawh tak a chelh mek a, chief spokesman niin thuneihna sang tak pek a ni. President Ortega hi media mite hmaah a inlan khat hle a, hetihlai hian a nupui erawh chu nitin deuh thaw television-ah a lang a, sorkar policy chungchang a sawi ṭhin a, French leh English ṭawng a thiam hle.

Rorellai, Sandinista party chuan President-te nupain inthlan an chuh tur hi an thlawp a, nomination paper an thehluh pawhin, an thlawpna lantirin party member eng emaw zat an pungkhawm a ni. Hetihlai hian eptu party-te chuan an duh loh thu sawiin, president nupui hi dinhmun pawimawh zawk chelhtir a ni leh chuan an ram chu chhungkaw khat rorelna hnuaiah a awm chhoh mai an hlauhthawn thu an sawi.