Israel-in Palestinian Olympic team hotu zin phal lo

Israel thuneitute chuan Brazil-a Olympics Games neih tura Palesti≠nian team hotu chu Gaza a chhuahsan an phallo niin Palestinian official chuan a sawi.

Palestinian Olympic Committee secretary ge≠neral, Munther Masalmeh chuan, "Israel sorkarin Palestinian team hotu Issam Qishta chu Gaza chhuahsan phalna a pek loh avangin Brazil-a Pales≠tiniantem pawh a zawm ve thei dawn ta lo a ni" a ti.

Israel foreign ministry thupuangtu, Emmanuel Nahshon chuan Qishta hian Palestinian team a zawm theihna turin sor≠kar chuan hma a la mek a, a theih anga ranga Brazil ram a pan theih dan tur an ngaihtuah tih a sawi.

Masalmeh chuan Qishta hnena phalna pek a nih loh lai hian Gaza Strip aṭanga kal, trainer leh committee deputy head chu phalna pek an nih thu a sawi.

Gaza Strip-a Palesti≠nian mi, maktduai hnih dawn chengte chuan Gaza aṭanga West Bank an pan dawnin Israel sorkar
aṭangin phalna an lak a ngai a, West Bank aṭang hian Jordan-ah kalin, heta aṭang hian ram dangah an zin chhuak thei chauh a ni. Hei baka rampawn lam an zinchhuah theihna chu Egypt nena an inri-n≠a, Rafah kaltlangin a ni a, mahse ramri hi Egypt chuan a hawng khat hle.

August 5-21 chhunga Rio de Janeiro, Brazil-a 2016 Summer Olympics neih tura Palestinian team-ah hian mi 22 an awm a, athlete parukte chu hun eng emaw chen rampawn lamah an lo camp tawh vangin Brazil kal tur hian harsatna an nei lo niin Masalmeh chuan a sawi. Palestinian team hian an hmanruate hi an lakluh theih loh vangin Brazil ramah an inleichawp vek a ngai dawn bawk a ni.