Afghan beihpui thlaknaah Taliban pathum an thi

Afghanistan sipaite chuan nimin khan thuchhuah siamin thlawhtheihna hmanga Taliban firfiak an beihnaah firfiak pathum an thi tih leh Sayed Abad district-a security beihtum Taliban-te chu an tihrilhhai hle tih an tarlang.

Pathianni zanah khan Sayed Abad district-a Salar hmunah Taliban firfiak eng emaw zat an pungkhawm tih sipai thuchhuah chuan tarlangin hei hi an hriat avangin thlawhtheihna hmangin helai hmunah hian beihpui an thlak a, mi pathum an thih bakah hian midang chu an tlanchhe ta a ni.

Taliban-te'n an thiltum ber a hlawhchham tak thu hi an thuchhuah siamah chuan uar takin an tarlang zui bawk a, hetihlai hian Taliban lam hian hemi chungchangah hian thuchhuah engmah an la siam ve lo thung.