Australia-in ngaihdam dil turin China a phut

Australia sorkar chuan China foreign ministry thu­puangtu, Zhoa Lijian-a'n a twitter-ah Australia sipai thlalak nia a sawi a post chungchangah lungawi loin, he thlalak hi la thla tur leh ngaihdam dil turin China a phut. 

Prime minister Scoot Morrison chuan hemi chungchangah hian press briefing neiin, Chinese official-in a twitter-a Australia sipai nia sawi pakhatin chemtea Afghanistan naupang hrawka a tin lai thlalak a dah a ni. Aghanistan civil mite leh an mi tangte chunga Australia sipaite chetdan chu mak a tih thu leh, an dem thu a tarlang. 

Australia sorkar chuan he thlalak hi paih turin Twitter pawh a ngen tawh a,  he thil avang hian China sorkar chu a zak hle tur a ni a, khawvel hmuhah a intinep a ni, tiin Morrison chuan a sawi. 

Coronavirus leng mek chungchangah he hri lo darh ṭanna hi Australia sorkar hian chhui chian a phut avangin tun hnaiah China nena an inkar boruak hi a ṭha lo chho hle a ni. November thla tir lam khan China chuan Australia foreign investment, national security leh human rights policy-te a lo sawisel sak a, an inkar boruak siamṭhat a duh chuan a policy-te a siamṭhat a ngai tiin a lo sawi tawh a ni.