Marine Le Pen kum 5 tan tir turin phut

France far-right leader, president candidate pawh lo ni tawh, Marine Le Pen chu European Union fund tichingpena puhnaah, Paris prosecutor chuan kum nga lung-in tan tir bakah , kum nga chhung politics a khelh khapsak turin a ngen.

EU fund tichingpena puhna chungchangah hian Marine Le Pen leh mi dang 24 te chungthu hi ngaihtuah mek a ni. A thurualpuite hi party official, lawmaker hlui leh Parliamentary assistant-te an ni. Heng sumte hi he tih laia an party hming, National Rally (RN) party tana thawktute hlawh pekna atan an hmang nia puh an ni. He thil thlen lai hian an party hi National Front (FN) tih a ni thung.

Kum 2022-a France President thlannaah khan Le Pen hian Emmanuel Macron a hneh zo lo a, kum 2027-a inthlan neih turah pawh chuh leh ngei tura rin a ni. Mahse, Le Pen chuan an puhna hi thu dik lo a nih thu sawiin, an party tihchhiat tuma an beihna niin a puh ve thung. A thubuai hi November 27 hnu lamah ngaihtuh chhunzawm a ni ang.

Le Pen hi france rama politician lar ber zinga mi niiin, kum 2022 leh 2015 khan Time magazine-in 100 most influential people in the world a thlanah pawh a lo tel tawh. Kum 2016 khan Politico chuan European Parliament-a member huhang ngah ber dawttuah a thlang bawk a ni.