Biden-a'n White House press team-ah hmeichhe hlang ruat
US President thar tur, Joe Biden chuan a thawhpui turte a ruat chho mek a, Pathianni khan White House press team turte ruat lehin, hmeichhe hlang a thlang. White House communication team-a hmeichhe hlang an awm ṭum khatna tur a ni dawn.
White House press team hi a campaign communications director Kate Bedingfield-i'n a ho dawn a, hun rei tak Democratic party spokeswoman lo ni tawh Jen Psaki chu press secretary atan a ruat bawk a ni. Vice President-elect Kamala Harris chief of staff, Karine Jean Pierre chu Biden-a principal deputy press secretary a ni dawn a, Pierre hi President hlui Barack Obama hunlai khan White House-a regional political director a lo ni tawh a ni.
Biden campaign-a communications director for coalitions Pili Tobar chu deputy White House communications director thar a ni dawn a, a hmain immigration reform advocacy group, America's Voice-ah deputy director a ni ṭhin. Kamala Harris communications director atan Ashley Etienne leh a senior adviser leh chief spokerperson atan Symone Sanders te ruat an ni bawk. First Lady thar tur, Jill Biden communcation director atan Elizabeth Alexander dah a ni bawk ang.