Sri Lanka inthlanpuiah President kaihhruai NPP an chak

Sri Lanka rama inthlanpui neih zawh takah, president Anura Kamara Dissanyayake kaihhruai National People's Power (NPP) chu chakin, Parliament-ah majority an nei pha.

Parliament seat 225 awmnaah inthlan dawn hian NPP hian seat 3 chauh an nei a ni. Mahse Ningania seat 196-a inthlanna neih aṭanga result hriat chian tawh, seat 171 aṭangin NPP hian seat 123 an la thei. Seat distribution system hnuaiah seat dang sem a nih leh dawn bawk avangin, NPP kaihhruai hian seat 150 an lak phak a rinawm.

Sri Lanka-ah hian Parliament seat 225 awmah, seat 196-ah inthlan hi neih a ni ṭhin. A bak seat dang chu inthlanpuia vote an hmuh zat percentage azirin party leh independent group te sem an ni leh ṭhin.

Sajith Premadasa kaihhruai eptu party, Samagi Jana Balawegaya party chuan seat 35 lain, president hlui Ranil Wickremesinghe thlawp New Democratic Front chuan seat 3 chauh an la thung.

Ningania inthlanpui neiha vote tla zinga 62% chu NPP hian a hui pha a, kumin September thlaa President thlanna neihah khan kum 55 mi, Marxist tia inchhal ngat, Dissananake hian vote 42% a hmu bawk a ni. NPP dinhmun a sang zel a, mipuiin an thlawp ṭhain minority lamah an che ṭha hle a ni.