Spain-a retirement home kangah mi 10 an thi

Spain ram hmar chhak lama Villafranca del Ebro khuaah nimin zing khan tar awmna, retirement home-ah kangmei a chhuak a, mi 10 an kang hlum a, mi dang pahnihin hliam an tuar.

Aragon regional government thupuangtu chuan kangmei hi zing dar 5 velah retirement home, "Jardines de Villafranca" ah hian a chhuak ṭan a, kangṭhelhtuten darkar eng emaw zat hnuah an ṭhelh mit thei chauh tih a sawi. He inah hian mi 82 an cheng a ni.

He centre hi kum 16 liam taa din a ni a, tar awmna tura tih ni mah se, rilru lam harsatna neite enkawlna hmun a ni nghal bawk.