Korea ram inremna duhin kawng an zawh dawn

Khawvel hmun hrang hranga hmeichhe activist-te chuan Korea ram pahnihte inkara inremna a awm an duhna lantirin, International Women's Day, Pathianni hian ram pahnihte inri-naa, demilitarized zone-ah muanna kawngzawh huaihawt an tum.

Kawngzawhnaa tel tur hian activist 30-te chuan Beijing aṭangin North Korea an pan a, North Korea aṭangin demilitarized zone-ah kawng zawhin South Korea-a luh an tum a ni.

Kawngzawh huaihawitu turte chuan an thiltih tur hi Korean mipuite rilru-a inpumkhatna thinlung chawh tho lehna atana ti an nih thu an sawi a, hei bakah hian kum 60 chuang zet ṭhenhrana awm tawh, Korea ram pahnihte hian inremna thuthlung an ziah theihna tura nawr an tum thu an sawi bawk. Kum 1953-a Korean War a tawp hnu khan ram pahnihte hian inremna engmah an la ziak lo.