Mithiamten Japan an ngen

Khawvel ram hrang hranga mithiam, scholar 450 chuang zet chuan Japan sorkar hnenah open letter thawnin, Japan chu indopui hunlaia a chetdan rawng tak chungchang sawichhuak turin an ngen.

He lehkha hi May 5 khan tihchhuah hmasak a lo ni tawh a, hemi ṭum hian scholar 187 te'n an hming an ziahhnan. He hmalakna hi khawvel hmun hrang hranga Japan Studies scholar-te'n an thlawp hle niin Cornell University-a senior research associate Mark Selden chuan a sawi.

Open letter an thawn nawn lehnaah hian scholar-te chuan, "Kumin hi Japan sorkar tan, indo laia ramdangte a awp dan chungchang leh, a chetdan avanga thupha a chawina sawichhuah leh chetziaa a lantirna hun remchang a ni," an ti.

Indopui II hun laiin Japan sipaite'n nawmchenna atana an ṭhenawm ram hmeichhia tam tak, an duh lo chunga an man tih finfiahna pawh a awm ngei a ni tiin, scholar-te chuan hemi chungchang lo zep emaw, lo phat tlat emaw hi thil pawm theih loh a ni tih an tarlang.