Indonesia tuipuiah raltlan 400 chhanchhuak

Raltlan mi 400 chuang zet chu Thailand leh Malay­sia thuneitute'n vawi eng emaw zat an rama an lut tur an hnar hnu­in Indonesia tuipuiah sa­ngha mantute'n an chhan­chhuak.

Indonesia-a search and rescue official, Khai­rul Nova chuan an mi chhan­chhuahte zingah hian naupang leh nu eng emaw zat an tel tih a sawi a, an vai hian East Aceh district-a Simpang Tiga khuaah hruai an ni, a ti.

Aceh-a chengte chuan an mi chhanchhuahte hi khawmuala hruai chhuah an nih hian an chauin an damlo nasa hle tih an sawi a, lawm avangin an mittui te pawh a tla tih an sawi bawk.

Thailand navy-te'n vawi thum leh Malaysia thuneitute'n vawi hnih an lo hnar tawh tih raltlante hian an sawi a, Malaysia thuneitute hian a ṭum hnihnaah phei chuan silaia tinin an chuanna lawng chu an kalsawn nghal loh chuan bomb darhah an vau niin an sawi.