Bangladesh-ah dengue vanga thi 400 chuang tawh

Bangladesh ramah kumin chhungin dengue hri vanga thi mi 407 an awm tawh a, he hri kai damdawi-ina enkawl hi mi 78,595 an tling tawh bawk.

Khaw lum leh fur a rei avangin kuminah dengue kai hi an pung nasa hle a, hospital hrang hrang, a bikin khawpui lam amite pawh an indaih loh phah hle a ni. November thla laihawla dengue hri vei enkawl mek mi 4,173 zinga 1,835 chu an ram khawpui, Dhaka-a mi an ni.

Nikum kha Bangladesh-ah dengue hri vanga thi an tam ber kum niin, mi 1,705 in an thihpui a, hri kai hi mi 321,000 an hmu chhuak bawk.

Health official-te chuan thosi in a seh tur laka inveng turin mipuite an chah a, thosi len zar ṭha turin an ngen. Doctor-te chuan thingtlang lamah dengue hri kai, enkawl mai lohte an awm ṭhin a, hengte avang hian he hri vanga thi hi an pun phah niin an sawi. Mithiamte chuan dengue hri darh tur venna atan thosi pian theihna, tui tlinna hmunte tih bo vek an nih theihna atan khauh zawka hma lak a ṭul thu an sawi.