Philippines-ah syper typhoon Man-yi tleh

Thlipui, super typhoon Man-yi chu Inrinni khan Phillipine ramah a tleh leh a, thla khat chhunga thlipui tleh ṭum ruk an tawrhna a ni.

Man-yi tleh hma hian mi nuai 6.5 vel chu hmun him lamah an lo insawn chhuak lawk a ni. Darkar khata km 195-a naa tlehin Indinn za, an ram huna zan dar 9:40 khan Catanduanes province a nuai a, tuifawn pawh km 14 ( feet 46) a sangin a invawrh a ni. Thlipui thlen hma hian power pawh tih tawp vek niin, generator an hmang a ni. Ruah nasa tak sur bawkin nimin khan a la sur chhunzawm a, hei hian tuilian leh leimin a thlen a hlauhthawnawm hle.

Philippines ram hi thlipuiin nuai fo mah se, kumin November thlaa hetiang anga thlipui an tawrh tam erawh a khat hle niin an sawi. October thla tawp lam khan Philippines hmar lamahthlipui Trami tleh vangin mi 10 chuang an thi. A hnu lawkah typhoon Kong-rey tleh vangin mi pathum an thi leh bawk a, tun thla tir lamah hmarlama Luzon island chu typhoon Yinzing in a nuai a, hemi hnu hian typhoon Toraji leh kar liam ta khan typhoon Usagi an lo tuar tawh bawk.

Man-yi thlipui hian Philippine thliarkara mihring bitna ber, Luzon chu nizan lam khan a nuai tel maithei niin an sawi. Vawiin hian South China Sea lam a pan tawh ang.