Malaysia PM-in pem luh tumte chhanchhuak turin hrilh

Malaysia Prime Minister Najib Razak chuan nimin khan Malaysian Navy leh coastguard-te chu Myanmar aṭanga Rohingya muslim tlanchhuak, tui­puia tangkhang an awm leh awm loh zawng a, chhan­chhuak turin a hrilh.

PM Razak chuan, "Royal Malaysian Navy leh Malaysian Maritime Enforcement Agency-te chu tuipuiah Rohingya-te chuanna lawng a awm leh awm loh zawng a, chhanchhuah hna thawk turin ka hrilh a, tuipuia an tangkhang vanga nunna chan awm turte kan ven a ngai a ni," a ti.

Nilaini khan Malay­sia leh Indonesia minister-te chuan South East Asia rama pem tuma kalchhuak, tuipuiah tam tak tangkhang mekte chhanchhuak tura hma an lak tur thu an puang a ni. Minister-te chuan ram pahnihte hian lawngte chu an rama luh phalsak an nih tur thu an sawi.