IS-te'n Syria-Iraq ramri an lak belh leh

Islamic State (IS) firfiak pawl chuan Syria khawpui pawimawh tak, Palmyra an lak hnuah sorkar kuta awm, Syria leh Iraq inri-na chu an lak belh leh.

Syrian Observatory for Human Rights (SOHR) chuan Iraq nena an inri-na, al-Tanf aṭangin sorkar sipaite pawh an inhnukdawk tawh niin a tarlang.

IS firfiakte hian Syria rama square km 95,000 a la tawh a, hei hi Syria ram zau zawng zahve vel a tling tawh a, Dair al-Zour leh Raqqa province thu an thuhnuaiah an dah tawh a, Hasakeh, Aleppo, Homes leh Hams province-ah pawh hmun tam zawk an la tawh bawk. US chuan firfiakte beih let hna hi a hautak chho zel dawn tih a sawi.

Iraq ramah pawh firfiakte hian province lian ber, Anbar province khawpui Ramadi an lak hnuah khawchhak lamah an nawr chho mek a, hetihlai hian Iraq sorkar chuan Ramadi khawpui hi laklet tumin a inbuatsaih mek a ni.