Nawrh huaihawt laiin Burundi President-in football a khel

Burundi President Pierre Nkurunziza chuan President thlanna neih turah a term thumna atana chuh leh a tum avanga eptute'n duh lohna lantira nawrh an huaihawt laiin an ram khawpui, Bujumbura-ah football a lo khelh san.

Eptute'n President term chuh tawh loh tura phuta hun eng emaw chen nawrh an huaihawtah hian buaina pawh a chhuak fo a, Bujumbura-ah pawh nawrh huaihawt zinga pakhat chu kahhlum a ni. Tualchhung buaina chhuah hnu hian mi 105,000 vel chu an ram ṭhenawmah an tlanchhe tawh a ni.

Kar hmasa khan President Nku­runziza hi sipai chakna hmanga paihthlak tum a ni bawk a, mahse a hlawhtling lo. Amah paihthlak tumnaa inhnamhnawiha puhin President hian a minister ṭhenkhat chu a lo ban tawh bawk.