NKorea-in Russia hnenah ralthuam a thawn : SKorea

North Korea chuan Russia hnenah Ukraine a do mekna a hman turin artillery leh rocket launcher a thawn belh niin South Korea chuan a sawi. Hemi hma hian Russia sipaite pui turin NKorea sipai eng emaw zat chu Ukraine do turin tirh an ni tawh bawk.

South Korea parliamentary intelligence committee hotu, Lee Seong-kweun chuan National Intelligence Service (NIS) in NKorea hian 170mm self-propelled artillery leh long range 240 mm rocket launcher-te Russia-ah a thawn ngei tih a finfiah tawh niin a sawi.

Lee chuan Russia sipai pui tura tirh, NKorea sipai 11,000 zinga eng emaw zat chu Russia khawthlang lam, Kursk bialah tirh niin, indona hmunah an tel tawh a ni, a ti bawk. SKorea bakah US pawhin Russia pui tura NKorea sipai tirh an nih thu hi a lo sawi tawh bawk.