Malaysia-ah a ruala mi phumna thlân hmuhchhuah a ni

Malaysia thuneitute chuan Pathianni khan mihringa sumdawngte'n camp atang an hman ṭhin 17 an hmuchhuak tih sawiin, heng hmunah hian a ruala mi an phumna thlân eng emaw zat an hmuh tel thu an sawi.

Tun thla tir lam khan Thailand police-te chuan an ramri bula ramdanga pem tuma kalchhuak ṭhinte hruai a, sumdawnna atana hmang ṭhinte'n camp atana an hman ṭhin an lo hmuchhuak tawh bawk a, hengah hian a huhoa mi phumna thlan lian tak tak an hmu tel bawk.

Mihringa sumdawng ṭhinte, trafficker-te hian Myanmar leh Bangladesh aṭanga pem tuma chhuak, dinhmun rethei tak takte an hruai ṭhin a, sum hmuhna atan an hmang ṭhin. Mahse tun hnaiah Southeast Asia sorkar te'n trafficker-te hi man tuma beihpui an thlak avangin an camp siamte hi an tlanchhiatsan bakah, tuipuia lawnga chuang mek mi tam takte pawh an tlanbo san fo a ni.

May 10 aṭang khan mi 3,600 chuang zet chu Indonesia, Malaysia leh Thailand tuipui kamah hruai thlen an ni a, hetihlai hian anmahni hruaitute'n an tlanbosan avangin mi sang tel chu tuipuia an lawng chuanah an la tang mek nia sawi a ni bawk.