China-ah Myanmar hel hruaitu hreng

China thuneitute chuan an ramah Myanmar National Democratic Alliance Army (MNDAA) hruaitu Peng Daxung chu hren anih thu an sawi.

Peng hi thla hmasa khan China-a Yunnan province-ah China palaiin meeting neihpui turin a ko a, pawn chhuak thei loin hren zui a ni. Mahse Maynmar ram chhunga MNDAA hruaitute erawh phone-a a biakpawh phalsak a ni.

MDNAA hi Myanmar sipai sorkar rorelna do let tura pathum intelkhawm, Three Brotherhood Alliance zinga tel a ni. Kum 2023 October aṭang khan sorkar sipaite lakah beihpui thlakin, Shan state-a ram zau tak chu sipaite kut aṭangin an laksak tawh a ni. Kumin January thla khan Chinese tamna, Kokang region an la a, August thla khan Myanmar sipai Northeast Regional Command awmna, Lashio khawpui pawh an la bawk.