Sri Lanka Parliament ṭhutkhawm nei

Sri Lanka Parliament inthlanpui neih hnua Parliament ṭhutkhawm hmasa ber chu nimin, November 21, 2024 khan neih a ni.

10th Parliament ṭhutkhawm hmasa berah hian House speaker atan National People’s Power's (NPP) member Ashoka Ranwala chu thlan a ni a, deputy speaker tan Rizwie Salih thlan a ni bawk. Himali Weerasekera-i chu committee deputy chairman an thlang bawk a ni. Opposition leader tan Sajith Premadasa chu pawm a ni.

November 12, 2024-a inthlanpui an neihah president kaihhruai NPP chu hneh taka thlan tlin an ni a, member 225 awmnaah seat 159 lain majority an nei a ni. Tun ṭum inthlana rorel lam leh eptu lam aṭanga thlantlin tam zawk hi Parliament member a thlan tlin ṭum khatna an ni hlawm.