Nobel Peace Prize atan Donald Trump nominate

US President Donald Trump chu 2021 Nobel Peace Prize atan nominate a ni. 

Norway Parlia-ment member, NATO Parliamentary Assembly-a Norway dele-gation chairman ni bawk Christian Tybring-Gjedde chuan nomination hi Noble Committee hnenah a thehlut tih nimin khan Fox News chuan a tarlang. 

Trump hmalaknain tun hnaiah Israel leh United Arab Emirates (UAE) chuan inremna siam an lo remti tawh a, UAE hi Arab ram zinga Israel nena inzawmna siam ram pathumna a ni. A hmain Egypt  leh Jordan chuan kum 1979 leh 1994 khan Israel hi inremna an lo siampui tawh bawk. 

Christian Tybring-Gjedde chuan Peace Prize lo dawng tawh tam zawk aiin Trump hian ram hrang hrang inkara inremna a awm theihna turin a thawk nasa zawk nia a ngaih thu a sawi. Nomination a thehluhah  hian Middle East ram dangte pawhin  UAE hnung zuiin, remna leh thawhhona ṭha a awm theihna tura hma an lak ve ngei a beisei thu a sawi. 

US hian November 3-ah President thar an thlang dawn a, Donald Trump hi a term hnihna atan Republican party president candidate ni lehin, Democrats party candidate Joe Biden nen an inkhing dawn a ni.