White House-ah Israel-UAE deal-signing ceremony nei dawn

Israel leh United Arab Emirates (UAE) in thawhdunna tura inremna an siam chu September 15 hian an ziak fel tawh a, he hun hi US President Donald Trump chuan White House-ah a lo thleng dawn a ni. 

US hmalaknain ram pahnihte hian an inkar boruak siamṭha a, inkungkaihna siam dan tur ngaihtuahin thla 18 chhung zet an inbia a, inremna siam hi an remti ta a ni. Inremna an siamna atan hian Israel pawhin West Bank-a Palestian ram a luah zauh a tumna pawh chawlhsak lailawk alo remti tawh. 

White House official chuan September 15-a inremna ziahfelna turah hian Israel prime minister Benjamin Netanyahu leh UAE foreign minister Sheikh Abdullah bin Zayed al-Nahyan-te chuan an ram aiawhte hi an ho dawn tih a sawi. 

Netanyahu pawhin hemi chungchang hi a twitter-ah ziak langin, President Trump sawmna anga Israel leh UAE inremna lungphumna tur hun chhinchhiah tlak taka a tel tur chu a inchhuang hle tih a sawi a ni.