Kenya-in Adani Group nena inremna siam a sut

Kenya ram chuan US-in India rama sumdawng lian, Adani Group chu sumdawnna kawnga thil dik tawk lo tia puha thubuai a siamsak hnuah, Adani Group nena thawh dunna tur, USD tld 2.5 chuang hu an lo siam tawh chu a sut.

Kenya president William Ruto chuan Ningania thu a sawi naah, Adani Group nen an inremna siam tih tawp a nih thu hi a puang a ni.

Thawhdunna tur an siamah hian Adani Group chuan Jomo Kenyatta International Airport runway pahnihna siamin, passenger terminal a ti changtlung bawk ang a, hei hi company kutah kum 30 awm tir tura tih a ni bawk. Hei bakah hian Adani Group leh Kenya ministry of energy and petroleum in power transmission line siamna tura public private partnership hnuaiah USD mtd 736 inremna an lo siam pawh tih tawp a ni tel bawk.