Libya PM-in thah tuma beih a pumpelh

Libya Prime Minister Ab­dullah al-Thinni chuan Tobruk khuaah si­lai kengte'n thah tumin a chuanna car an bei a, mahse van­neihthlak takin an tlan chhuak thei tih a sawi.

Sorkar thupuangtu chuan Thawhlehnia Par­liament session a hman zawh hnua PM tlan­chhuak chu silaiin a car hi beih a ni tih a sawi a, PM hi him takin a chhuak a, mahse a guard pakhat erawh chuan hliam a tuar.

Kum 2011-a Libya hruaitu Muammar Gad­dafi paihthlak a nih hnu khan Libya hian tual­chhung buaina a la nei chho reng a ni. Kum 2014 khan helhoin PM al-Thinni hi an ram khawipui, Tripoli aṭanga an umchhuah hnuah PM hian Tobruk khua aṭang hian ro a rel zui ta a ni.