Pak-in hrekna thlahdul turin EU a ngen

Pakistan chuan an rama polio (zeng natna) hri leng vanga European Union-in an ram mipui, ram pawn lama zin tumte tana khuahkhirhna a siam chu thlahdul turin a ngen.

President Manmoon Hussain chuan travel restriction siam chu thlahduh a ngaih thu sawiin, khawvel chuan Pakistan rama hri leng mek chu umbo a nih theihna turin an puih a ngai a ni, a ti a, sorkar pawhin hemi atan hian theihtawp a chhuah mek tih a sawi bawk.

Hussain chuan tun hnaia zeng natna hri a hluar lehna chhan chu firfiakte vanga thingtlang hmun kil zawkte tlawhpawh theih loh leh ngam loha an awm vang a ni, a ti. Hmun kilkhawr zawkte hi hri danna pe turin an kalpawh theih loh niin a sawi. He thilah hian Pakistan chu a mawhphurtu a ni lo a, he natna hri darhna chhan chu firfiakte vang zawk a ni tiin President chuan a sawi.

World Health Organisation (WHO) chuan Pakistan hian an rama zeng hri natna leng a khuahkhirh theih loh avangin Pakistan mi, an ram pawna zin chhuak turte khuahkhirhna dan a siam a, kumin June 1 aṭang chuan Pakistan mi zin chhuak turte chuan polio vaccine an la ngei tih finfiahna, certificate an neih zel a ngai tawh ang.