2023-ah nitin hmeichhe 140 chhungte kut tuara thi awm

United Nations (UN) agency pahnihin nimin, 'International Day for the Elimination of Violence Against Women' puala report a tih chhuahah, kum 2023 khan khawvel pumah hmeichhie 140 chu an kawppui leh chhungte kut tuarin, an in lum ngeia thah an ni tih a tarlang.

Kum 2023-ah an kawppui leh chhungte kut tuara thi hmeichhia 51,000 vel aawm a, kum 2022 khan mi 48,000 an awm bawk niin UN Women leh UN Office of Drugs and Crime chuan a sawi a ni. Khawi ram mah him bik a awm lo tih sawiin, hmeichhiate tan an in ngei chu hmun hlauhawm takah a chang a ni, an ti.

Hmeichhiate thahna thlen tamna ber hi Africa bial niin, mi 21,7000 an tling. A mihring cheng zat mila teh pawhin Africa hi a sanna ber a ni, mi nuai khatah 29 zel chu anmahni in ngeiah an chhungte leh kawppui kut tuarin an thi a ni. America-ah pawh a sang chho hle a, nikum chhung khan kut tuara thi hmeichhia hi mi nuai khahtah 1.6 an awm a, Oceania-ah 1.5 awmin, Asia-ah 0.8 leh Europe-ah mi nuai khatah 0.6 an awm. Europe leh America bikah chuan mahni in ngeia kut tuara thi, hmeichhe tam zawk hi an kawppuite kut tuar an ni. Hetih lai hian mipa, kut tuara thi tam zawk chu pawn lama thi an ni thung.

Report chuan kum 2023-a mi kut tuara thi zinga 80% chu mipa niin, hmeichhia 20% an awm tih a tarlang bawk.