NKorea hruaitu Kim Yo Jong-in SKorea chet dan a dem

North Korea ram hotu lu ber, Kim Jong-un farnu, Kim Yo Jong chuan an ṭhenawm ram, South Korea-in North Korea sorkar sawiselna thu ziahna lehkha an thawn lut ṭhin chu na taka a dem thu a sawi.

Kim chuan SKorea aṭanga lehkha thawn luhte hi chhar khawm vek a nih thu sawiin, an rawn thawn luhna hmunte pawh khar an nih thu a sawi.

Korea ram pahnihte inkar hi a ṭha lo hle a, an la inbei na hle. South Korea ram aṭang hian NKorea sorkar leh an hotute sawiselna thu ziakte thawn luhin thehdarh tum a ni a, hetih lai hian NKorea lam pawhin bawlhhlawh dahkhawmna balloon te chu South Korea ram chhungah an thlawh luh tir fo bawk.

Kum 37 mi, Kim Yo Jong hi a nuta, Kim Jong-un hnuaia sorkarah nihna pawimawh tak a chelh mek a, rorellai Workers' party of Korea-a Publicity and Information Department-a deputy department director niin, State Affairs Commission member a ni bawk a ni.