Word of the Year-ah 'Pandemic' thlang

US-a dictionary company pahnih, Merriam-Webster leh  Dictionary.com chuan 2020 Word of the Year atan 'Pandemic' tih thumal an thlang.

Merriam-Webster- chuan an website-ah kumin chhunga thumal hman lar berah Pandemic thlan a nih thu hi sawiin, online dictionary lamah enhlawh ber a ni tih a sawi. Kumin March 11-a World Health Organisation (WHO) Covid-19 hrileng chu khawvel puma hrileng, pandemic-a a puan khan, online dictionary lamah he thumal awmzia entu hi nasa takin an pung chho nghal a ni. Kum 2019 hemi ni vek aiin kum 2020 March 11-a pandemic tih awmzia zawngtu hi 115,806 %  zetin an pung. 

Merriam-Webster hian kum 2008 aṭang khan kum khat chhung thumal zawn hlawh ber thlanna hi a lo nei tawh ṭhin a ni. Kum 2019 khan thumal zawn lar berah 'they' chu thlanchhuah a lo ni tawh a, kum 2018 khan 'justice' tih thlan niin, 2017-ah 'feminism' leh 2016-ah 'surreal' te thlan an lo ni tawh a ni.