Mexico President-in ramri khar a tum lo tih a sawi

US president-elect Donald Trump-a'n Mexico aṭanga dan loa US-a pemte tihtawp a remtih thu leh, hemi atan hian US chhim lama ramri khar a remti nia a sawi chu Mexico president Clauda Sheinaum chuan chhangin, ramri chu khar a ni kher dawn lo tih a sawi.

Nilaini khan Trump leh President Sheinbaum te hi telephone-in an inbia a, Mexico-US ramri kaltlanga phalna nei loa US-a mi tam tak lut ṭhin chungchang an sawidun.

An inbiak zawh hnuah Trump chuan President Pardo hian Mexico kaltlanga US-a pemte lo dan chu a remtiin, hemi atan hian ramri pawh khar a ni dawn tiin a sawi. Mahse Sheibaum chuan pem lutte chungchang an buaipui ngei dawn a, mahse dikna chanvo an neihte zah sak chungin kalpui a ni dawn a, ramri khar chu an ti kher dawn lo niin a sawi ve thung.

Trump hian an rama dan loa pem leh ruihhlo tawlh luh venna kawng khat atan Thawhṭanni khan an ramri pahnih, Mexico leh Canada bakah China aṭanga bungrua lak luha chhiah an lakte tihsan a ni dawn tih a puang. Chhiah an tihsan hi heng ram kaltlanga US-a dan loa pem leh ruihhlo tawlh ṭhin tihtawp a nih hnuah sut a nih tur thu a sawi bawk.