Malaysia-in thlân hmuhchhuah a chhui dawn

Malaysia sorkar chuan an ram hmarlama a ruala mi 139 phumna thlân lian tak tak an hmuhchhuah chu a chhui chiang dawn.

Thlân an hmuhte hi Thailand ramri bula awm niin, he hmun hi Myanmar leh Bangladesh aṭanga an rama pem luh tumte hruaina kawng hman rim ber a ni a, anmahni hruaitu leh sumddawng te'n an hmang ṭhin bawk.

Malaysia rama pem tuma kal zinga a tam ber hi Myanmar-a Rohingya Muslim-te an ni a, Bangladesh aṭang dinhmun ṭha zawk beiseia kal tam tak an awm bawk.

Deputy Home Minister Wan Junaid Tuanku Jaafar chuan Malaysian Anti-Corruption Commission chuan mihringa sumdawnna lama inhnam­hnawiha puh, police 12 te chu chhui mek niin, an zinga pariat chu man an ni tawh tih a sawi. Heng mite hi thlân an hmuh takte nen inzawmna an nei em tih thlenga chhui an tum thu a sawi bawk.